Сар шинийн баяр энэ Бямба, Ням гарагт тохиож байна. Иргэдийн дунд Хаврын тэргүүн сарын шинийн нэгний өглөө нар харах бичигдээгүй уламжлал тогтсон. Хэдий энэ жил шинийн нэгэн тасарч шинийн 2-н Бямба гарагт тохиож байгаа ч энэ өглөө иргэдийн зорчих хөдөлгөөн нэмэгдэж осол аваар гарч болзошгүй талаар Онцгой байдлын газраас сэрэмжлүүллээ. Тус газрын холбогдох албаны хүн " Монгол түмний уламжлалт баяр буюу Шинийн нэгний өглөө нар харахаар хүмүүсийн зорчих хөдөлгөөн нэмэгддэг тул осол аваар гарах, бага насны хүүхдүүд осолдож болзошгүй" гэв. Мөн урин цаг ирж байгаа тул гол мөрний даац нимгэрсэн тул зам дөтлөхөөр баталгаагүй зам гүүрээр зорчихгүй байхыг иргэдэд сэрэмжлүүллээ.