Засгийн газрын ээлжит хуралдаанаас гаргасан шийдвэрийг ЗГХЭГ-ын дарга Н.Учрал танилцууллаа.

Тодруулбал, Завхан аймгийн ИТХ-ын төлөөлөгчид өнгөрсөн амралтын өдрүүдэд Өвөрхангай аймгийн Хужирт сумын нутагт дэвсгэрт үйл ажиллагаа явуулдаг "Хан хужирт" амралтын газар сургалт зохион байгуулж, аймгийн ИТХ-ын дарга Б.Санжсүрэн нь төлөөлөгчдөө сургалт оруулахаар Удирдлагын академиас хүмүүс авчирсан байдаг. Улмаар сургалтын дараа төлөөлөгч нар нь архидан согтуурч, улмаар нэгнийхээ биед халдсан хэрэг гарсан бөгөөд ингэхдээ Завханы Улиастай сумын Засаг дарга Ч.Наранбат аймгийн АН-ын дарга Б.Төрмөнхийн толгойг аягаар цохиж хагалсан хэрэг гарсан юм.

Энэ талаар ЗГХЭГ-ын дарга Н.Учралаас тодруулахад "Тэгвэл аймаг, сумын засаг дарга нартай холбоотой гомдол мэдээлэл одоогоор ЗГ-т ирээгүй бөгөөд мэдээлэл ирсэн тохиолдолд арга хэмжээ авч шийдвэрлэнэ" гэв.