Баян-Өлгий аймагт хоёр хүнээс коронавирусны сэжигтэй тохиолдлын шинж тэмдэг илэрсэнтэй холбогдуулан тус аймгийн нэгдсэн эмнэлэгт хөл хорио тогтоогоод байсан.

Тус сэжигтэй тохиолдолд хийсэн PCR шинжилгээний хариу сөрөг гарсан талаар Баян-Өлгий аймагт Мэргэжлийн хяналтын ерөнхий газраас мэдээллээ. Тус хоёр хүн өнгөрсөн сард тусгай үүргийн нислэгээр Казахстан улсаас ирээд 21 хоногийн тусгаарлалтаас гарч Баян-Өлгий рүү буцсан хүмүүс байжээ. Тэдгээрийн нэгнээс өчигдөр коронавирусийн шинж тэмдэг илэрсэнтэй холбогдуулан PCR шинжилгээ авсан нь энэ юм.