Цагдаагийн байгууллагад өчигдөр /2024.12.17/ 16:00 цагийн орчимд "Сонгинохайрхан дүүргийн 32 дугаар хорооны нутаг дэвсгэрт Эмээлтийн бойны тоот гудамжинд автомашин мөргөлдсөн” гэх дуудлага мэдээлэл бүртгэгдсэн байна.

Уг дуудлага мэдээллийн дагуу Тээврийн цагдаагийн албаны жижүүрийн шуурхай бүрэлдэхүүний алба хаагчид шалгалтын ажиллагааг явуулахад иргэн "С" /эр.55н/ нь Toyota Carina маркийн автомашиныг жолоодож яваад, иргэн Т-ын жолоодож явсан Volvo FMFH маркийн автомашины араас мөргөж, жолооч С /эр.55н/ амь насаа алдсан, 1 зорчигч гэмтсэн нөхцөл байдал урьдчилсан байдлаар тогтоогдсон гэж цагдаагийн байгууллагаас мэдэгдлээ.