Хүний папиллома вирусийн халдварын эсрэг вакцинжуулалт явагдаж буй. Тус вакцинд 11 настай охид, хөвгүүд эцэг эхийн зөвшөөрөлтэйгээр хамрагдаж байгаа юм.

ЭМЯ-ны Нийтийн Эрүүл мэндийн бодлогын газрын Халдварт өвчний хэлтсийн дарга Д.Баярболд хэлэхдээ "Умайн хүзүүний хорт хавдар үүсгэж буй хүний папиллома вирусийн эсрэг вакциныг Монгол Улс 2012 онд хийлгэж эхэлсэн. 2020 оноос сайн дурын хэлбэрээр ХСҮТ дээр хийгдэж байгаа. Үүнд 11-ээс дээш насны бүх хүн хамрагдах боломжтой. Үнийн хувьд бид НҮБ-ын Хүүхдийн сангаар дамжуулан авч байгаа бөгөөд олон улсад хийгддэг үнээс харьцангуй бага үнээр буюу 23 мянган төгрөгөөр хийлгэх боломжтой" гэсэн юм.

Тэгвэл бусад насны хүүхэд болон насанд хүрэгчид сайн дурын /төлбөртэй/ дархлаажуулалтаар харьяа аймаг, дүүргийн эрүүл мэндийн төвд хийлгэж боломжтой гэж НЭМҮТ-өөс мэдээллээ.