Маргааш буюу мягмар гарагт УИХ-ын дөрвөн байнгын хороо хуралдахын нэг нь Аж үйлдвэржилтийн бодлогын байнгын хороо юм. Тус байнгын хороог УИХ-ын гишүүн С.Ганбаатар ахалдаг билээ. Тэгвэл маргаашийн хуралдаанаар хэлэлцэх асуудлуудаас онцолбол,

“Эрдэнэс Тавантолгой” ХК-ийн нүүрс баяжуулах үйлдвэрийн үйл ажиллагаанд хяналт шалгалт хийх үүрэг бүхий ажлын хэсэг байгуулах тухай байнгын хорооны тогтоолын төслийг хэлэлцэн батлах юм. Өөрөөр хэлбэл, "Админерал" ХХК-ийн үйл ажиллагаанд хяналт шалгалт хийх ажлын хэсгийг байгуулна гэсэн үг.

Тодруулбал, зураг төсөлгүй барилгын ажил явуулсан, барилгын ажил эхлүүлэх зөвшөөрөлгүйгээр угсралтын ажил хийсэн" гэх асуудлуудын хүрээнд "Эрдэнэс Тавантолгой"-н баяжуулах үйлдвэрийн 18 обьект, Бортээгийн уурхайн нүүрс боловсруулах үйлдвэрийн таван барилгын үйл ажиллагааг зогсоосон байдаг.