УИХ-ын чуулганы Баасан /2024.11.08/ гарагийн ээлжит хуралдаанаар өчигдөр 2025 оны төсвийн төслийн гурав дахь хэлэлцүүлгийг хийж баталсан. Төсвийн төсөлтэй холбогдуулан өнөөдөр УИХ-ын гишүүн Б.Энхбаяр цахим хуудастаа "Парламентад УИХ-ын даргын “нүдээр” гар тооллого хийж хууль, улсын төсвөө баталдаг жишиг нутагшиж буй нь яавч олигтой зүйл биш. Ямар намын дотоод хурал байгаа биш" гэж шүүмжлэв. Түүний зүгээс өчигдөр Их хурлын танхимд 2025 оны төсвийн төслийг хэлэлцүүлэх үеэр улсын төсвийг баталсны дараа энэ онд тодотгол хийхдээ тулбал Үндсэн хууль зөрчигдөнө гэх байр суурийг илэрхийлсэн юм.