Сэтгүүлч Н.Өнөрцэцэгийн давж заалдах шатны шүүх хуралтай холбогдуулан УИХ-ын гишүүн Ч.Лодойсамбуу мэдээлэл хийж, иргэний хувиар, сэтгүүлчийн хувиар Н.Өнөрцэцэгийн шүүх хуралд ажиглагчаар оролцох хүсэлт гаргаж байгаагаа илэрхийллээ.

Мөн тэрбээр, "Би Эрүүгийн хуульд өөрчлөлт оруулах тухай хуулийн төсөл боловсруулж, Засгийн газарт хүргүүлсэн. Энэ хуулиас "Илт худал мэдээлэл тараах" гэдэг заалтыг авч хаях ёстой. Энэ бол зөвхөн хэвлэл мэдээлэл биш олон нийт үзэл бодлоо илэрхийлэхийг шууд хааж, зөрчсөн Үндсэн хуулийн зөрчилтэй заалт" гэлээ.