Аймаг, нийслэл, сум, дүүргийн ИТХ-ын сонгуулийн үр дүнд Төв аймагт АН 21 суудал авч ялалт байгуулсан байдаг. Гэвч энэ удаагийн сонгуульд АН-аас нэр дэвшиж ялалт байгуулсан Ц.Номин-Эрдэнэ нь сонгуулийн тухай хууль зөрчсөн тул нэр дэвшигчээр бүртгэсэн шийдвэрийг хүчингүй болгосон байна.

Тодруулбал өчигдөр /2024.10.22/ Төв аймгийн Сонгуулийн хорооноос "Хүчингүй болгох тухай" тогтоолыг гаргажээ. Ц.Номин-Эрдэнэ нь хуулийн хугацаанд буюу 2024 оны хоёрдугаар сарын 14-нд аймаг, сумандаа шилжин ирж бүртгүүлэх ёстой байсан ч хоёрдугаар сарын 15-нд бүртгүүлж, хууль зөрчсөн нь Төв аймгийн Улсын бүртгэлийн лавлагаагаар тогтоогдсон байна.

Иймд Төв аймагт нөхөн сонгууль болж магадгүй нөхцөл байдал үүсжээ.