Энэ оны III улирлын НӨАТ-ын буцаан олголтыг энэ сард багтаан иргэдийн дансанд шилжүүлэх учиртай. Энэ талаар Татварын ерөнхий газраас тодруулахад "Эхний байдлаар иргэд энэ сарын 8-ны дотор гуравдугаар улирлын баримтаа бүртгүүлэх ёстой. Бид буцаан олголтын мөнгийг хариуцахгүй тул одоогоор тодорхой мэдээлэл өгөх боломжгүй" гэлээ. Өөрөөр хэлбэл, Татварын ерөнхий газар эцсийн байдлаар НӨАТ-ын баримтыг нэгтгэж Сангийн яам руу явуулах учиртай. Үүний дараа арилжааны банкуудаар дамжуулан иргэдийн дансанд буцаан олголтын мөнгө орно гэсэн үг. Иймд одоогоор НӨАТ-ын баримтыг олгох хугацаа тодорхойгүй байгаа аж.

Иргэдийн хувьд НӨАТ-ын гуравдугаар улирлын баримтаа энэ сарын 8-ны 23:59:59 цагаас өмнө амжиж бүртгүүлэх нь. Энэ оны хоёрдугаар улирлын буцаан олголтоор нийт 1,281,757 иргэний дансанд 84.6 тэрбум төгрөг шилжүүлж байв.