Өнгөрсөн дөрөвдүгээр сарын 17-ны орой 18:40 цагийн орчимд Чингэлтэй дүүргийн нутаг дэвсгэр, Хайлааст орчимд зам тээврийн ноцтой осол гарсны улмаас нэг хүүхэд газар дээрээ нас барж, долоон хүн гэмтэж бэртсэн байдаг. Эдгээрийн 4 нь нэг гэр бүлийн хүмүүс байсан юм.
Уг хэргийг Эрүүгийн хуулийн 27 дугаар зүйл буюу "Гэмт хэрэг болгоомжгүй үйлдэх" гэсэн хэсэгт заасны дагуу яллах дүгнэлт үйлдэж, шүүхэд шилжүүлсэн аж. Энэ дагуу өнгөрсөн наймдугаар сарын 29-ний өдөр Баянзүрх, Сүхбаатар, Чингэлтэй дүүргийн ЭХАШШ-д шүүх хурал болж, шийдвэрээ гаргажээ. Тодруулбал,
Анхан шатны шүүхээс осолд холбогдсон жолооч эмэгтэйн жолоодох эрхийг 8 жилийн хугацаагаар хасаж, 2 жил хорих ял оноосон бөгөөд 164.3 сая төгрөгийн хохирлыг шүүгдэгчээс гаргуулахаар шийдвэрлэсэн байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!