Өмнөд Солонгосын нийслэл Сөүл хотод урсгал сөрж явсан машин гэрлэн дохио хүлээж байсан явган зорчигчдыг дайрчээ. Ослын улмаас есөн хүн амиа алдаж, дөрвөн хүн эмнэлэгт хүргэгдсэн байна. Осол өчигдөр /2024.07.01/ 21:30 цагт гарчээ. Цагдаа нар хэргийг шалгаж байгаа ч хохирогчдын тоо нэмэгдэж болзошгүйг анхааруулж байна.

Орон нутгийн хэвлэлд мэдээлснээр, машин урсгал сөрж явж байсан бөгөөд явган зорчигчидтой шүргэлцэхээс өмнө өөр хоёр машиныг мөргөжээ.

Хэргийн газарт баривчлагдсан жолооч "Машин гэнэт өөрөө хурдалсан" гэж цагдаад мэдүүлсэн байна. Баривчлагдсан эрэгтэй 68 настай гэнэ.

Эх сурвалж: ВВС