Түр зуурын усархаг борооны улмаас 2 гэр, 1 байшин, 2 автомашин усанд автжээ. Тодруулбал, нийслэлийн Налайх дүүрэг 3, 4 дүгээр хороонд өчигдөр буюу зургаадугаар сарын 19-ний өдрийн 15:45-16:15 цагийн хооронд түр зуурын усархаг бороо орсны улмаас 2 гэр, 1 байшин, 2 автомашин усанд автсан тухай дуудлагыг 16:00-16:35 цагийн хооронд хүлээн авсан. Тус дуудлагын дагуу дүүргийн Онцгой байдлын хэлтсийн алба хаагчид ажиллаж гэр байшинд орсон усыг соруулж гаргасан аж.