Энэ мэдээ хуучирсан буюу 2024/05/28-нд нийтлэгдсэн мэдээ болно.

Гэр хорооллыг орон сууцжуулах хөтөлбөрт хамрагдсан эхний ээлжийн 259 иргэний нөхөн олговрыг олгож эхэлжээ

Ангилал
Нийгэм
Огноо
Унших
1 минут 25 секунд

Гэр хорооллыг орон сууцжуулах төсөл хэрэгжиж буй СБД-ийн 14, ЧД-ийн 14, 18 дугаар хорооны иргэдээс нийгэм, эдийн засгийн судалгаа авч, газар болон үл хөдлөх хөрөнгийн үнэлгээг иргэдтэй зөвшилцөж, гэрээ байгуулах ажил үргэлжилж байна.

Газар чөлөөлөлтөд 2206 нэгж талбар өртөж байгаа бөгөөд 1653 иргэнээс нийгэм, эдийн засгийн судалгаа авахад 96.5 хувь нь гэр хорооллыг орон сууцжуулах төслийг дэмжиж буй. Өнгөрсөн хугацаанд тухайн бүсэд харьяалагдаж буй нийт 1423 айл өрхийн хөрөнгийн үнэлгээ, хээрийн судалгаа, хэмжилтийг хийлээ. Энэ хүрээнд 490 иргэнт хөрөнгийн үнэлгээг зөвшөөрч, гэрээ байгуулсан юм. Гэрээ байгуулсан эхний ээлжийн 259 иргэний нөхөн олговрыг нийслэлийн Засаг дарга Х.Нямбаатарын захирамжийн дагуу олгож эхэллээ. Түүнчлэн дараагийн ээлжид 228 иргэнд нөхөн олговрын мөнгийг шилжүүлэхээр бэлтгэл ажлыг хангаж байна.

Ташрамд, Сэлбэ дэд төвийн гэр хорооллыг орон сууцжуулахдаа бүрэн төлөвлөх бөгөөд эхний ээлжид 12 мянган айлын орон сууцыг барина. Ингэснээр тухайн бүсийн агаар, хөрсний бохирдол, замын түгжрэлийн асуудлыг цогцоор шийдэж чадах юм.

Н.Өнөрцэцэгт холбогдох гэм буруугийн шүүх хурлыг ирэх сарын 4-нд товложээ
Н.Өнөрцэцэгт холбогдох гэм буруугийн шүүх хурлыг ирэх сарын 4-нд товложээ
 
З.Батбаяр: Өнгөрсөн өвөл Сэлбэ голын мөсийг зөөсөн нь тухайн үедээ шүүмжлэл дагуулсан ч үр дүнд нь шар усны үер болоогүй
З.Батбаяр: Өнгөрсөн өвөл Сэлбэ голын мөсийг зөөсөн нь тухайн үедээ шүүмжлэл дагуулсан ч үр дүнд нь шар усны үер болоогүй
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц