"Баян" хочит Р.Базарыг өчигдөр /2024.04.15/ ЭЦА-наас тайлбар мэдүүлэг авахаар саатуулсан. Түүнийг мөнгө угаасан, хууль бусаар сонгууль санхүүжүүлж байж болзошгүй гэх үндэслэлээр ийнхүү шалгаж эхэлсэн юм. Тэгвэл ХЗДХ-ийн сайд Б.Энхбаяр энэ талаар тайлбар өглөө. Тэрбээр,

"Дээрх хэргийн талаар Прокурорын байгууллагын зөвшөөрөлтэйгөөр Цагдаагийн байгууллагаас мэдээлнэ. Миний хувьд дээрх асуудлаар ямар ч мэдээлэлгүй байна. Харин Р.Базар гэх хүний талаар нэг мэдээлэл бий. Европын сэргээн босголт, хөгжлийн банканд 78 тэрбум төгрөгийн хохирол учруулсан гэх шүүхийн шийдвэр гарсан. Үүний 13.3 тэрбумыг барагдуулж, үлдсэн 65 тэрбум төгрөгийг төлөхгүй байгаа" гэв.