“Нүүрсний” гэх тодотголтой хэрэгт яллагдагчаар татагдсан УИХ-ын гишүүн асан, ХНХ-ын сайд асан Т.Аюурсайхан, "Эрдэнэс Тавантолгой" ХК-ийн Гүйцэтгэх захирал асан Б.Ганхуяг нарын 11 хүнд холбогдох гэм буруугийн шүүх хурал хаалттай горимоор 4 дэх өдрөө үргэлжилж байна.

Энэ талаар бид БЗД, СБД, ЧД-ийн ЭХАШШ-ээс тодруулахад, "Нүүрсний гэх тодотголтой 11 хүнд холбогдох гэм буруугийн шүүх хурал 4 дэх өдрөө хаалттай үргэлжилж байгаа ба оролцогчдоос мэдүүлэг авч байна" гэх мэдээллийг өглөө.

Ташрамд дуулгахад, Өнгөрөгч даваа гарагийн /2024.01.15/ 11:00 цагт УИХ-ын гишүүн асан, ХНХ-ын сайд асан Т.Аюурсайхан, "Эрдэнэс Тавантолгой" ХК-ийн Гүйцэтгэх захирал асан Б.Ганхуяг нарын 11 хүнд холбогдох гэм буруугийн шүүх хурал эхэлсэн ч яллагдагч О.Данзанлувсантүдэвийн өмгөөлөгч н.Очбаяр шүүх хурлыг хаалттай хуралдуулах хүсэлт гаргаснаар шүүх хурал хаалттай үргэлжлэхээр болсон юм.