Хотын дарга Х.Нямбаатар нийслэлийн дэд бүтэц болон энэ чиглэлд хүлээгдэж буй ажлын талаар мэдээлэл өгөв. Тэрбээр “Манай хотод шийдлээ хүлээсэн маш олон ажил байна. Газар доорх байгууламжуудын 70 орчим хувийг шинэчлэх шаардлагатай. Ус, дулаан, бохир бүгд тулчихсан хэрэглээгээрээ явж байна. Машинаар бол шар гэрэл асчихсан.
Барилгажих явцад бодлого алдагдаж ус зайлуулах зарим байгууламжууд дээр орон сууцны хорооллууд босчихсон. Үүнийг бүхэлд нь шинэчлэх, Туул, Дунд гол, Сэлбэ голын далан суваг, шуудууг бэхжүүлэх ажлууд хүлээгдэж байна” гэв.