Хууль зүйн байнгын хороо өнөөдөр хуралдсан. Хуралдаанаар Эрүүгийн хуульд оруулах нэмэлт өөрчлөлтийн төслийн хэлэлцэх эсэх асуудлыг хэлэлцсэн юм. Энэ үеэр УИХ-ын гишүүн Д.Ганбатын зүгээс хорих 413 дугаар ангид ял эдэлж буй Д.Мөнх-Эрдэнийг SWAT-ынхан зодож, яргалсан гэх мэдээллийг ШШГЕГ-аас тодруулахад үгүйсгэсэн тайлбарыг өгсөн.Үүнтэй холбоотойгоор Д.Ганбат гишүүн Д.Мөнх-Эрдэнэтэй очиж уулзаж, нөхцөл байдлыг тодруулна гэдгээ мэдэгдсэн бөгөөд ХЗДХ-ийн сайд Б.Энхбаяр ч мөн адил цуг очиж уулзана гэсэн юм.