Ардчилсан намын дэргэдэх Ардчилсан эмэгтэйчүүдийн холбооны дээд чуулган үргэлжилж байна. Өнөөдөр АЭХ ерөнхийлөгчөө сонгох юм. Тэгвэл нэр дэвшигчид өөрсдийн мөрийн хөтөлбөрөө танилцуулсан бөгөөд энэ үеэр нэр дэвшигч, УИХ-ын гишүүн А.Адъяасүрэн,

"Нийгмийн сүлжээгээр тулга тойрсон хэрүүл хийхийг улс төр гэдэггүй. Улс төрийн дайралт, гүтгэлгийг даваад гарах нь өмгөөлөх зориг, хамгаалах сэтгэлийг өгнө гэж бодож байна. Бүх нэр дэвшиж байгаа бүсгүйчүүддээ хамтран ажиллах саналыг тавих болно. Бид энд өрсөлдөгч боловч бидний гол өрсөлдөгч ядуурал, өрийн дарамт, төрийн дарамт байна. Итгэл найдварыг бий болгоцгооё" гэв.

Ташрамд сануулахад, тун удахгүй нэр дэвшигчдийн санал хураалт эхлэх аж.