ОХУ-ын Засгийн газраас дотоодын шатахууны нийлүүлэлт багасаж, үнэ өссөн тул автобензин болон дизель түлшний экспортоо түр хугацаанд хориглох шийдвэр гаргажээ. Үүнд, манайхаас гадна тус улсаас түлш, шатахуунаа экспортолдог орнууд багтаж байгаа аж.
Хэдийгээр ОХУ-аас хийх экспорт түр хугацаанд зогссон ч манай улсын автобензин, дизель түлшний нөөц хангалттай байгаа гэдэг мэдээллийг албаныхан өгсөн. Тиймээс түлш, шатахууны нөөц болон үүсээд буй нөхцөл байдалтай холбоотой асуудлаар УУХҮ-ийн сайд Ж.Ганбаатар өнөөдөр 11.00 цагт мэдээлэл өгөхөөр болжээ.
Сануулахад, АИ-92 автобензин, дизель түлшний нөөц хангалттай байгаа тул шатахуун нөөцөлж хиймэл хомсдол үүсгэх шаардлагагүй гэдгийг албаны хүмүүс онцолсон билээ.
