Эх хэлний өдрийг тохиолдуулан Монгол Улсын Үндэсний номын сангийн Үнэт ховор номын музейг өнөөдөр иргэд төлбөргүйгээр үзэх боломжтой.

МУ-ын Ерөнхийлөгчийн 2017 оны наймдугаар сарын 25-ны өдрийн 25 дугаар зарлигаар жил бүрийн есдүгээр сарын нэгний өдрийг "Эх хэлний өдөр" болгон зарласан юм. Үнэт ховор номын музейд ЮНЕСКО болон Монгол Улсын хосгүй үнэт өвд бүртгэлтэй монголчуудын бичиг номын гайхамшигт дурсгал, монголчуудын ном бүтээх уламжлал, эрдэм мэдлэг, шинжлэх ухааны арвин өв, бичгийн хэрэгсэл, эд өлгийн ховор нандин зүйлс хадгалагдаж байдаг ажээ.