БЗС-гийн мэдээллийг ил болгож, 1997-оос хойшхи зээлийн бүх дүнг нэгтгэж зарлаад буй. Үүнтэй холбогдуулан бид та бүхэнд БЗС-гаас зээл авч суралцсан зарим улс төрчид болон тэдний хамаарал бүхий хүмүүсийн нэрсийг бэлтгэн хүргэж буй.
Тухайлбал, Баянгол дүүргийн Засаг дарга асан Ө.Сумъяабаатар 2008 онд АНУ-ын Брижпортын их сургуульд суралцахаар БЗС-гаас 32 мянган ам.долларын зээл авч байжээ. Үүнийг одоогийн ханшаар тооцож үзвэл, тэрбээр 110 сая төгрөгтэй дүйцэх хэмжээний зээл авч гадаадад суралцсан гэсэн үг юм.
