Нийслэлийн иргэдийн эрүүл, аюулгүй орчинд амьдрах эрхийг хангах, газар ашиглалтыг сайжруулах, явган хүний зам, талбайн хүрэлцээ хангамжийг нэмэгдүүлэх, авто замын түгжрэлийг бууруулах зорилтын хүрээнд Нийслэлийн Засаг даргын Газрын зөрчил арилгах А/321 дүгээр захирамж гарсан.

Энэ дагуу Баянзүрх дүүргийн 43 дугаар хороо, Эрэлийн 39 дүгээр байрны зүүн талд нийтийн эзэмшлийн зам талбайд зөвшөөрөлгүй барьсан 23 гараашийг буулгаж, газар чөлөөллөө. Чөлөөлсөн талбайд оршин суугчдын хүсэлтийн дагуу ногоон байгууламж, тохижилтын ажил хийнэ.