Нүүрсний гэх тодотголтой хэргийн талаар АТГ-аас мэдээлэл хийлээ. Энэ үеэр УИХ-ын гишүүн А.Адъяасүрэн, Т.Аюурсайхан, Б.Энх-Амгалан, Ш.Раднаасэд, Ж.Мөнхбат, Н.Наранбаатар нарыг яллагдагчаар татсанаа АТГ-аас танилцуулсан юм. Тодруулбал, УИХ-ын гишүүн А.Адъяасүрэн хахууль өгөх гэмт хэрэгт, УИХ-ын гишүүн Т.Аюурсайхан Эрүүгийн хуулийн 20.3.3 буюу зохион байгуулалттай гэмт бүлэг байгуулах мөн тус хуулийн 22.10.2 буюу үндэслэлгүйгээр хөрөнгөжих хэрэгт яллагдагчаар татагдсан. Мөн УИХ-ын гишүүн Ш.Раднаасэд, Ж.Мөнхбат, Н.Наранбаатар, Б.Энх-Амгалан нарыг Эрүүгийн хуулийн 22.3.1 буюу улс төрд нөлөө бүхий этгээд албан тушаалын байдлаа урвуулан ашиглаж, бусдад давуу байдал олгож бусдад хохирол учруулсан зэрэг үндэслэлээр яллагдагчаар татжээ.