“Хөгжлийн банк”-ны гэх хэргийн шүүхийн урьдчилсан хэлэлцүүлэг өчигдөр 10:00 цагт эхэлж, 21:30 минут хүртэл явагдаж завсарласан. Улмаар өнөөдөр 08.30 цагаас буюу хоёр дахь өдрөө үргэлжилж байна.
Сануулахад, Нийслэлийн прокурорын газраас Хөгжлийн банктай холбоотой гэх 80 гаруй холбогдогч дөрвөн хуулийн этгээдэд хамаарах 460 гаруй хавтаст хэргийг Сүхбаатар дүүргийн Эрүүгийн хэргийн анхан шатны шүүхэд шилжүүлсэн. Шүүх тус хэрэгт яллагдагчаар татагдсан этгээдүүд болон тэдгээрийн өмгөөлөгчдөөс гарсан хүсэлтийн дагуу Шүүхийн урьдчилсан хэлэлцүүлгийн товыг гаргасан байдаг.
Харин өмгөөлөгч нарын зүгээс хурлыг хаалттай явуулах хүсэлт гаргасныг шүүх хүлээн авсны дагуу хуралдаан хаалттай үргэлжилж байгаа юм.
