Хөгжлийн банкны асуудлаарх нотлох баримтыг шинжлэн судлах хоёр дахь удаагийн сонсгол Төрийн ордонд эхэллээ. Яг одоо ХБ-нд хяналт шалгалт хийсэн эрх бүхий байгууллагуудын тайлан, тэдгээрийн зөвлөмжийн үр дүнг хэлэлцэж байна.

2014 оноос төрийн аудитын байгууллагаас Хөгжлийн банкны үйл ажиллагаанд хяналт шалгалт хийж байжээ. Ингэхдээ нийт 3 их наяд төгрөг, 341 сая ам.доллар, 168 сая иенийн мөнгөн дүн бүхий 25 алдаа зөрчлийг илрүүлсэн байна. Үүний хүрээнд УИХ-ын анхааралд 1 асуудлаар, ХБ-ны ТУЗ-ын дарга М.Баярмагнайд 2, ХБ-ны Гүйцэтгэх удирдлага Б.Батбаярт зургаан асуудлаар зөвлөмж хүргүүлж байжээ.