Хөгжлийн банкны асуудлаарх нотлох баримтыг шинжлэн судлах хоёр дахь удаагийн сонсгол Төрийн ордонд эхэллээ. Яг одоо ХБ-нд хяналт шалгалт хийсэн эрх бүхий байгууллагуудын тайлан, тэдгээрийн зөвлөмжийн үр дүнг хэлэлцэж байна.

Хөгжлийн банканд 2018 онд Монголбанкнаас хийсэн хяналт шалгалтаар хэд хэдэн дүгнэлт гарч байсан аж. Шалгалтын дүнд дурдсанаар Хөгжлийн банк нь зээлдэгчээс аудитлагдсан санхүүгийн тайланг авдаггүй, барьцаа хөрөнгийг мэргэшсэн биш эдийн засагч үнэлж, зээлдэгч болон түүнтэй холбогдох этгээд бусад ББСБ-д чанаргүй зээлийн үлдэгдэлтэй байхад зээл олгосон гэжээ. Түүнчлэн олгосон зээлийн зарцуулалт болон төслийн гүйцэтгэлтэй холбоотой хяналт сул байгааг анхааруулж байжээ.