Хөгжлийн банкны асуудлаарх нотлох баримтыг шинжлэн судлах хоёр дахь удаагийн сонсгол Төрийн ордонд эхэллээ. Яг одоо ХБ-нд хяналт шалгалт хийсэн эрх бүхий байгууллагуудын тайлан, тэдгээрийн зөвлөмжийн үр дүнг хэлэлцэж байна.

Монголбанкны Ерөнхийлөгчийн баталсан удирдамж бүхий иж бүрэн хяналт шалгалтаар дараах дүгнэлтүүд гарч байжээ. Тодруулбал,

-Хөгжлийн банкнаас шууд санхүүжүүлсэн зээл нь шаардлага хангаагүй

-2011 онд 602.2 тэрбум төгрөгийн, 2012 онд 5.7 тэрбум төгрөгийн, 2016 онд 191.8 тэрбум төгрөгийн алдагдалтай ажилласан

-Шууд санхүүжүүлсэн 8 төсөл нь Зээлийн бодлогын барьцаа хөрөнгө шаардлага хангаагүй

-Хүүгийн болон ханшийн эрсдэл банкийг алдагдалд оруулах өндөр эрсдэл тогтоогдсон

-Актив пассивын хугацааны зөрүүгийн шинжилгээгээр төлбөрийн чадварын эрсдэлд өртөж болзошгүй, хөрвөх чадварын удирдлагын бодлого тодорхойгүй "дефолт" үүсэж болзошгүйг гэж дүгнэж байсан гэж гарч байжээ.