УИХ-ын чуулганы нэгдсэн хуралдаан үргэлжилж байна. Хуралдаанаар “Төрөөс мөнгөний бодлогын талаар 2023 онд баримтлах үндсэн чиглэл батлах тухай” Улсын Их Хурлын тогтоолын төслийг хэлэлцэх үеэр УИХ-ын гишүүн Ц.Мөнх-Оргил "Гаднын банк оруулж ирэхгүйгээр Монгол Улсад капитал буюу мөнгөний үнэ өртөг бууна гэж байхгүй. Нөгөө хэдэн төгрөг л эргэлдээд байгаа учраас улам л хүү нь нэмэгдэнэ. Бид иргэдэд зээл олгох боломжийг нь нэмэгдүүлж өгье, хүүг нь багасгая, хугацааг нь уртасгая. Үүнийг гаднын банк л чадна.

Энэ хууль орж ирснээс хойш УИХ дээр гурав дахь жилийнхээ нүүрийг үзэж байна. УИХ-ын гишүүд бид ичиж амьдармаар байна. Уг хуулийг хурдан баталмаар байгаа юм. Хуулийг батлахгүйгээр мөнгөний бодлого, төсвөө сайн муугаар яриад нэмэргүй" гэв.