Орос Украины дайнтай холбоотойгоор Олон улсын олимпын хорооны зөвлөмжийн дагуу спорт холбоод Орос, Беларусийн тамирчдыг тэмцээнд оролцохыг хориглосон билээ. Үүнтэй зэрэгцэн Оросын тамирчид бусад орны тэр дундаа Монголын нэр дээрээс тэмцээнд оролцох, 2024 оны Парисын олимпт өрсөлдөх гэх мэдээлэл цацагдаад байгаа юм. Энэ талаар Олимп, нийтийн биеийн тамир, спортын сайд Б.Бат-Эрдэнээс тодруулахад "Ийм асуудал яригдаагүй. Энэ асуудлыг нухацтай ярьж шийддэг. Хэн нэгэн улс тамирчнаа оруулъя гэхээр оруулчихдаг юм биш" хэмээлээ.