Гачууртын замаас Шар хадны эцсийн зогсоол хүртэл 4.27км урттай зам, Улиастай голын дээгүүр 97.3м төмөр бетон гүүр бүхий бүтээн байгуулалтын ажил үргэлжилж байна.

Уг ажлын хүрээнд:

•Авто замын ажлын нөлөөлөлд 114 нэгж талбар өртсөнөөс 2022 онд зургаан нэгж талбар чөлөөлөгдсөн бол чөлөөлөгдөөгүй 108 нэгж талбар байна. Газар чөлөөлөлтийн ажил иргэдтэй зөвшилцөх шатандаа явагдаж байна.

•Гүүрийн ажил тавдугаар сарын 30-нд эхэлж суурь байгуулах, захын тулгуур байгуулах, дам нуруу байгуулах ажлууд 30 орчим хувийн гүйцэтгэлтэй хэвийн үргэлжилж байна. Харин зам барилгын ажил энэ оны тавдугаар сарын 10-ны өдөр эхэлж, эхний 800м-т зорчих хэсгийг хийж дуусган хөдөлгөөнийг нээсэн. Одоогоор замын бусад хэсэгт газар чөлөөлөлтөөс шалтгаалан зогсонги байдалтай байна.