Ховд аймгийн Онцгой комисс өчигдөр орой 23:00 цагт шуурхай хуралдаж орох, гарах хөдөлгөөнийг хаажээ.

Аймгийн онцгой комиссын хурлын шийдвэрээр 4 чиглэлд постууд гарч Ховд аймгаас гарах, орох автомашины хөдөлгөөнийг түр хаагаад байна. Хөдөлгөөнийг хэзээ нээх эсэх талаар Ховд аймгийн онцгой байдлын газраас тодруулахад “Хөдөлгөөн нээх хугацаа нь одоогоор тодорхойгүй байна” хэмээх хариултыг өглөө.