Энэ мэдээ хуучирсан буюу 2022/08/06-нд нийтлэгдсэн мэдээ болно.

Н.Баярмөнх: “Баянзүрх дүүргийн бүх хүүхдийг 100 хувь цэцэрлэгт хамруулна“

Ангилал
Нийгэм
Огноо
Унших
2 минут 42 секунд
Баянзүрх дүүрэг

Баянзүрх дүүргийн Засаг дарга болон холбогдох алба хэлтэс хичээлийн шинэ жилийн бэлтгэл ажлыг хангах чиглэлээр хуралдаж, тулгамдсан асуудлуудыг шийдвэрлэх, холбогдох яам, мэргэжлийн байгууллагад уламжлах талаар санал солилцжээ.

Судалгаанаас үзэхэд Баянзүрх дүүргийн хэмжээнд цэцэрлэгийн насны бүртгэлтэй 35277 хүүхэд амьдардаг. Үүнээс 2021-2022 оны хичээлийн шинэ жилд Баянзүрх дүүргийн 28979 хүүхэд сургуулийн өмнөх боловсрол буюу цэцэрлэгт хамрагдсан байдаг. Тэгвэл 2022-2023 оны хичээлийн шинэ жилийн тухайд 35277 хүүхэд бүрэн хамрагдана. Харин харьяалал өөр, түр оршин суудаг 4650 хүүхдийг цэцэрлэгт хамруулахад хүндрэл үүссэн. Энэ асуудлыг цомцог гэр, түрээсийн байр ашиглах зэргээр зохицуулалт хийж, холбогдох яам хэлтэст яаралтай мэдээлж арга хэмжээ авахуулахыг дүүргийн Засаг дарга Н.Баярмөнх өглөө.

Тэрбээр “Баянзүрх дүүргийн 43 хорооноос 22 хороонд цэцэрлэгийн хүртээмжийн асуудал бүрэн шийдэгдсэн. Үлдсэн 21 хорооны асуудлыг шийдвэрлэхийн тулд түрээсийн байр ашиглах, цомцог гэрийн тоог нэмэгдүүлэх, боломжит байршилд цэцэрлэгийн зориулалтын барилга худалдаж авах зэрэг ажлыг холбогдох боловсролын яамтай хамтран ажиллаж яаралтай шийдвэрлэх хэрэгтэй. Ингэснээр Баянзүрх дүүргийн бүх хүүхэд багачууд цэцэрлэгт хамрагдаж, үүнийгээ дагаад хандив нэрээр цэцэрлэгт элсүүлэх байдал зогсоно. Мөн хамгийн чухал нь хүүхэд бүрээ цэцэрлэгт хамруулж чадсан эцэг эхчүүд ажил хийх бүрэн боломжтой болох юм. Тиймээс цоожтой хаалганы цаана хүүхдийг үлдээлгүй 2022 оны 12 дугаар сардаа багтааж дүүргийн бүх хүүхдийг 100хувь цэцэрлэгт хамруулах ажлыг зохион байгуулах хэрэгтэй” гэв.

Цомцог гэр, түрээсийн байр бол энэ хичээлийн шинэ жилдээ түр зохицуулалт хийгдэж буй ажил. Харин цаашид Баянзүрх дүүрэгт шаардлагатай цэцэрлэг, сургуулийг нэмэх ажлыг Баянзүрх дүүргээс зохион байгуулна. Энэ хүрээнд 8 дугаар сарын 12-нд Боловсрол, шинжлэх ухааны сайд болон түүний баг хамт олон, Баянзүрх дүүргээс сонгогдсон УИХ-ын гишүүд, НИТХ-ын төлөөлөгч зэрэг хүмүүстэй уулзаж хороо бүрд дор хаяж 1 сургууль, цэцэрлэгтэй болгоход шаардлагатай төсөв, санхүүгийн мэдээллийг өгөхөөр боллоо гэж Баянзүрх дүүргээс мэдээллээ.

Эх сурвалж: Баянзүрх дүүрэг

“Чингис хааны ертөнц ба Монгол судлал“ сэдэвтэй монгол эрдэмтдийн чуулган болж байна
“Чингис хааны ертөнц ба Монгол судлал“ сэдэвтэй монгол эрдэмтдийн чуулган болж байна
 
Л.Оюун-Эрдэнэ: С.Зоригийн хэргийн зургаан ажлын хэсэг тарсан. Яагаад тарав. Энэ Ц.Элбэгдоржийн ЗГ-ын сэдэл байсан
Л.Оюун-Эрдэнэ: С.Зоригийн хэргийн зургаан ажлын хэсэг тарсан. Яагаад тарав. Энэ Ц.Элбэгдоржийн ЗГ-ын сэдэл байсан
Энэ мэдээ хуучирсан буюу 2022/08/06-нд нийтлэгдсэн мэдээ болно.