Энэ мэдээ хуучирсан буюу 2022/07/05-нд нийтлэгдсэн мэдээ болно.

Буйр нууранд хийлдэг завьтай алга болсон 2-22 насны таван иргэнийг нэг хоногийн дараа олжээ

Ангилал
 Хууль эрх зүй
Хэзээ
Унших
1 минут 39 секунд

Буйр нууранд хийлдэг завьтай алга болсон таван хүнийг хилийн ойролцоогоос эсэн мэнд олжээ. Тодруулбал, энэ оны долдугаар сарын 4-ний өдрийн 19:47 цагт Дорнод аймгийн Халх гол сумын хоёрдугаар багийн нутаг дэвсгэр ”Буйр нууранд хийлдэг завьтай 2 том хүн, 3 хүүхэд алга болсон” гэх дуудлага мэдээлэл цагдаагийн байгууллагад бүртгэгдсэн. Дуудлага мэдээллийг тус аймаг дахь цагдаагийн газраас шалгахад 22 настай эрэгтэй “Б”, 22 настай эмэгтэй “Б”, 2 настай, эрэгтэй “Д”, 4 настай эрэгтэй “Т”, 3 настай эмэгтэй “М” нарын 5 хүн тус нуурын усанд хийлдэг завьтай явж байгаад алга болсон байна.

Дээрх иргэдийг эрэн хайх, аврах ажиллагааг Сум дундын цагдаагийн тасгаас Хилийн цэргийн .... дугаар анги, 2 дугаар застав, сумын Гал унтраах 62 дугаар ангийн алба хаагчидтай хамтран зохион байгуулж өнөөдөр өглөө 05:15 цагт Монгол Улсын усан хилийн ойролцоо 4 километр орчимд Монгол Улсын нутаг дэвсгэрт эсэн мэнд хөвж байсныг олсон байна. Иймд иргэд та бүхэн гол, нуур, цөөрмийн орчимд аялж зугаалах, усанд сэлэхдээ өөрийн болон бусдын аюулгүй байдлыг хангах, завиар зорчихдоо аврах хантаазыг заавал хэрэглэхийг анхааруулж байна.

ТЦА: “Би үхэхээс, чи үх“ гэж байгаа мэт хүүхдүүдээ автомашиндаа буруу тээвэрлэдэг нь ХАРАМСАЛТАЙ
 
Маргааш Улаанбаатарт бороо орно
Энэ мэдээ хуучирсан буюу 2022/07/05-нд нийтлэгдсэн мэдээ болно.