Дөрөвдүгээр сарын 21-ны 03:39 цагийн орчимд Дархан сумын 10-р багийн 5-7 дугаар байранд их хэмжээний гал гарч, дээд талын техникийн хэсгээс доош гадна ханаа даган хоёрдугаар давхар хүртэл тархжээ.

Дуудлага шөнийн 03:00 цаг өнгөрч байхад Дархан-Уул аймаг дахь гал унтраах 22 дугаар ангид ирж, галын 22, 51 дүгээр ангиуд шуурхай ажиллан, галын тархалтыг зогсоон, унтраах үйл ажиллагааг явуулжээ. Азаар хүний амь нас, эрүүл мэнд эрсдээгүй байна.

Одоогоор галын шалтгаан, нөхцөл тодорхойгүй байгаа бөгөөд урьдчилсан байдлаар лифтний нэмэлт давхрын техникийн өрөөн дэх шитнээс гарсан гэж үзэж байна.