АН-ын дотоод сонгуулийнн хорооноос Намын даргын сонгуультай холбоотой цаг үеийн асуудлаар мэдээлэл хийлээ. АН-ын Дотоод сонгуулийн хорооны дарга И.Мөнхжаргал "Маргааш буюу дөрөвдүгээр сарын 3-ны өдөр 09.00-20.00 цагийн хооронд 21 аймаг, 330 сум, 9 дүүрэгт санал авна.

Ж.Батсуурь нэр дэвшигчийн хувьд өчигдөр АН-ын дотоод сонгуулийг хойшлуулах хүсэлт гаргасан. Энэ дагуу АН-ын улс төрийн зөвлөлд хандсан. Улс төрийн зөвлөлөөс аливаа намын сонгууль нь намын их хуралтайгаа уялддаг. 4 сарын 7-нд болох намын Их хурлаар намын даргыг ёсчлон батлах асуудал орсон учир улс төрийн зөвлөл хэлэлцэх асуудлаа эцэслэн баталсан учир дээрх асуудал хэвийн явагдана гэж үзсэн. Тиймээс АН-ын даргын сунгаанд нэр дэвшигч Ж.Батсуурь нэрээ татсан.

Санал хураалт явуулахад Ж.Батсуурь нэр дэвшигчийн нэрийг хасах боломжгүй учир маргаашийн санал хураалт хоёр нэр дэвшигчийн нэртэйгээр хэвийн явагдана".