Өнгөрсөн шөнө буюу энэ сарын 28-ны 23.00 цагийн алдад Сүхбаатар дүүргийн нутаг дэвсгэрт зам тээврийн ноцтой осол гарчээ. Тодруулбал, Шангрилагийн хойд талын замд Мерседес бенз маркийн автомашин замын хажууд такси барих гээд зогсож байсан гурван иргэнийг дайрч хүнд гэмтээсэн байна.

Осолд өртсөн гурван эмэгтэйг яаралтай ГССҮТ-д хүргэсэн бөгөөд хоёр нь маш хүнд хагалгаанд оржээ. Биеийн байдал сайнгүй байгаа аж.

Осол гаргасан жолооч 25 настай залуу байсан гэх мэдээлэл байна.

Харин ослын шалтгааныг тодруулахаар ТЦА-аас мөрдөн шалгах ажиллагааг хийж эхлээд байна.