Манай улс энэ сард 59.7 мян.тн газрын тосны бүтээгдэхүүн захиалаад байна. Үүнээс 54 мянган тонн-ыг импортлон авсан бол 5.7 мянган тонн замдаа ачигдан ирж байгааг УУХҮЯ мэдээлэв.

Улсын хэмжээнд энэ сарын 7-ны байдлаар 162,965 тн шатахууны нөөцтэй байснаас А-80 автобензин 11,579 тн буюу 69 хоног, АИ-92 автобензин 50,098 тн буюу 38 хоног, АИ-95 автобензин 3,106 тн буюу 38 хоног, ДТ 95,447 тн буюу 35 хоногийн нөөцтэй байв.

Нийслэлд нийт 84,110 тн буюу АИ-92 автобензин 32, АИ-95 автобензин 29, ДТ-ний 43 хоног буюу хэвийн нөөцтэй байгаа аж.

Он гарснаас хойш манай улс 312.9 мянган тонн газрын тосны бүтээгдэхүүн импортлоод байна. Үүнд А-80 автобензин 6.3 мянган тонн, АИ-92 автобензин 117.0 мянган тонн, АИ-95/98 автобензин 3.7 мянган тонн, ДТ 155.7 мянган тонн, онгоцны түлш 5.0 мянган тонн, бусад бүтээгдэхүүн 25.2 мянган тонн-ыг эзэлжээ.