Үндэсний эрх чөлөө, тусгаар тогтнолоо сэргээсний 110 жилийн ой тохиож байна. 110 жилийн ойд зориулсан УИХ-ын хүндэтгэлийн хуралдаан өнөөдөр/2021.12.29/ Төрийн ордонд болно.
Ташрамд дурьдахад, энэхүү түүхэн өдрийг нийтээр тэмдэглэх тэмдэглэлт өдөр болгох хуулийг Монгол Улсын Их хурлаас 2007 оны наймдугаар сарын 16-ны өдөр батлан гаргасан билээ. Харин 2011 оны арванхоёрдугаар сарын 23 өдрөөс эхлэн "Үндэсний эрх чөлөө, тусгаар тогтнолоо сэргээсний баярын өдөр" хэмээн албан ёсоор нэрлэсэн түүхтэй.
