Тавантолгой-Зүүнбаян чиглэлийн төмөр зам нь Өмнөговь, Дорноговь аймгийн таван сумын нутаг дэвсгэрээр дайран нэг өртөө, зургаан зөрлөгтэй 416,1 километр урт, 27 ширхэг гүүр, 595 ширхэг хоолой бүхий Р65 зам төмөртэй, уулзвартай, гуравдугаар зэрэглэлийн төмөр зам юм. Бүтээн байгуулалтад үндэсний 104 аж ахуйн нэгж, 10 мянга орчим хүн оролцож, 4 мянга орчим техник хэрэгсэл ашигласан. Өнөөдрийн байдлаар бүтээн байгуулалтын ажил 95 хувийн гүйцэтгэлтэй байгаа талаар Уул, уурхай, хүнд үйлдвэрийн яамнаас мэдээллээ.