ЭМЯ-наас коронавируст халдварын нөхцөл байдлын талаарх цаг үеийн мэдээлэл хийлээ. Энэ үеэр хүүхдийн өвчлөлийн талаар ЭМЯ-ны холбогдох албаныхан мэдээлэл өгсөн юм.

УОК-ын дэргэдэх Эрдэмтдийн зөвлөлийн нарийн бичгийн дарга О.Батбаяр "5-11 насны хүүхдүүдийн өвчлөлийн асуудал дельта давлагааны үед зөвхөн Монгол Улсад гэлтгүй дэлхийн улс орнуудад анхаарал татаж байгаа юм.

АНУ-д 5-11 насныхны өвчлөл нийт тохиолдлын 10 орчим хувийг буулгаж байгаа юм. Манай улсын хувьд нийт өвчлөлийн 9.6 хувийг энэ насныхан эзэлж байна.

5-11 насны хүүхдүүдийг вакцинд хамруулах чиглэлээр холбогдох судалгааг хийж байна. Зөвхөн энэ насныхан гэлтгүй 0-12 насны хүүхдүүдийн өвчлөл дельта давлагааны үед дэлхийн улс орон бүрт нэмэгдсэн. Томуу, томуу төст өвчний тохиолдлын тоо буурсан" гэсэн юм.