Монгол Улсын гавьяат жүжигчин, Соёлын элч Э.Амартүвшин дэлхийн хамгийн алдартай театруудын нэг Венийн дуурийн театр (Wiener Staatsoper)-ын тайзнаа анх удаа дууллаа. Тэрбээр энэ талаараа “Энэ удаад хүн төрөлхтний агуу их театруудын нэг болох “WIENER STAATSOPER”-т анх удаагаа дууллаа. Гайхалтай мэдрэмж байлаа” хэмээсэн юм. Түүний хувьд “Набукко” дуурьд дуулсан бөгөөд энэ сарын 6, 9-нд дахин дуулна. Э.Амартүвшин гавьяат саяхан дуурийн урлагийн Оскар буюу "Opera star” наадмаас “Шилдэг баритон дуучин” шагнал хүртсэн. Тэгвэл энэхүү наадам нь НҮБ-ын Эдийн засаг, нийгмийн зөвлөл буюу ЮНЕСКО-гоос Дэлхийн соёлын өвд бүртгэсэн дуурийн урлагийг дэлхий дахинд сурталчлан таниулах үйлсэд чиглэгдсэн байна.