Хойд Америкийн үндэсний сагсан бөмбөгийн холбооны 2021-2022 оны улирлын тоглолтууд үргэлжлэн явагдаж байна. Энэ улиралд бүрэлдэхүүндээ эрс өөрчлөлт хийсэн Дорнод бүсийн Чикаго Буллс баг улирлыг тоглолтоо дөрөв дараалан хожиж эхлүүллээ.

Билли Донован дасгалжуулагчаар удирдуулсан Буллсын залуучууд энэ улиралд Детройт пистонс (2 удаа), Нью орлеанс пэликанс, Торонто Рэпторс багуудыг дараалан хожиж лигийг 4-0 гэсэн амжилттай итгэл төгс тэргүүлж байна.

Өнгөрсөн улиралд 31 хожиж 41 хожигдсон амжилтаар дорнод бүсийн 11-р байраар улирлын тоглолтоо өндөрлүүлсэн. Тэд энэ улиралд Play off шат руу орохын төлөө хүчтэй өрсөлдөөн үзүүлэх нь тодорхой байна.

Д.Идэрбат