“Улаанбаатар” олон улсын кино наадмыг Монголын Урлагийн Зөвлөл ТББ-аас энэ сарын 10-18-ны өдрүүдэд зохион байгуулахаар болжээ. Тус наадмаар Канн, Берлин, Торонто, Венец зэрэг дэлхийн А зэрэглэлийн кино наадмын шагналт шилдэг кино уран бүтээлийг Монголын үзэгчдэд танилцуулах юм. Мөн кино боловсролыг дэмжих, Монгол уран бүтээлчдэд олон улсын уран бүтээлчидтэй хамтран бүтээл туурвих боломжийг бий болгодог байна. .

Энэхүү кино наадмыг 2003 онд Нийслэлийн засаг даргын тамгын газар, Нийслэлийн соёл урлагийн газраас санаачлан зохион байгуулж байсан. Харин 2013 оноос эхлэн МУЗ ТББ нь “Улаанбаатар” олон улсын кино наадам болгон олон улсын тодотголтойгоор зохион байгуулж байна.

Кино наадам нь Нээлтийн кино, Онцлох орны кино үзвэр, Монголын кино хөтөлбөр, Олон улсын кино үзвэр гэсэн үндсэн хэсгээс бүрдэх юм. Уг наадмын хүрээнд кино форум, кино сургалт зэргийг жил бүр зохион байгуулдаг байна.

Э.Дэлэгнанзадмаа