Монгол Улсын Ерөнхийлөгч У.Хүрэлсүх НҮБ-ын Ерөнхий ассамблейн уулзалтад оролцохдоо "Нэг тэрбум" мод тарих үндэсний хөтөлбөр хэрэгжүүлэх тухай санаачилгыг дэвшүүлж буйгаа мэдэгдсэн. Тэрбум мод үндэсний хөтөлбөрийг нээж Монгол Улсын Ерөнхийлөгч У.Хүрэлсүх үг хэллээ.

Тэрбээр "Энэ сардаа багтааж ойжилтын улсын зөвлөгөөнийг зохион байгуулж, их хурлыг хийнэ. Ургамал судлаач нар, ойчид, мод тарьдаг хүмүүс, ААН, эрдэмтэн, судлаач нар болон сайн дурынхны нэгдсэн хурал хийж зохион байгуулалтад оруулна. Ингээд энэ өвөл тэрбум мод тарих бэлтгэлээ хангана. Шинжлэх ухаанчаар ажиллана. Зөвхөн тариад орхих бус ургуулна. Орчин үеийн технологийг нэвтрүүлнэ. Хүрз, хувинтай ус бариад гүйгээд байхгүй. Орчин үед модыг агаарааас тарьж байгаа. Хүн төрөлхтний хөгжилтэй орнуудад бий болсон техник технологийг нутагтаа авч ирж Монголдоо нутагшуулна. Ингэж байж бид амжилтад хүрнэ" гэв.