Нийслэлийн Баянзүрх дүүргийн 84 дүгээр сургуулийн захирлыг албадан чөлөөлөх асуудал яригдаж эхэлжээ. Ингэхдээ захирлын албан тушаалд намын томилгоотой хүнийг томилох гэж байгаад 84 дүгээр сургуулийн ажилтан, алба хаагчид эсэргүүцэж байгаа талаараа мэдээлжээ.

Багш, ажилчдын зүгээс "Бид албан ёсны сонгон шалгаруулалтанд тэнцсэн, ЕБС-ийн захирлын албан тушаалын шаардлага хангахуйц мэргэжил боловсролтой, хамт олныг удирдаж чадахуйц хэн ч байсан дэмжинэ. Гагцхүү намын томилгоотой хүн л биш" хэмээх байр суурийг илэрхийлж буй юм.

Тэгвэл уг асуудлыг албаны эх сурвалжаас тодруулахад тус сургуулийн захирал С.Мартагийн тэтгэвэрт гарах хугацаа нь болсон учраас үүрэгт ажлаас нь чөлөөлж буй гэсэн юм.