Дорнод аймгийн Хэрлэн сумын хоёрдугаар багт хөгжлийн бэрхшээлтэй нэг хүн есдүгээр сарын 27-ны өдөр гэрээсээ гараад сураггүй болсон байна. Хэрлэн голын эргээс хоёр таягийг нь ар гэрийнхэн нь олсон бөгөөд голын усанд осолдсон байж болзошгүй байжээ.
Тус аймгийн Онцгой байдлын газрын Эрэн хайх, аврах ангийн алба хаагчид тус сумын харьяат иргэн Э /54 настай, эрэгтэй, хөгжлийн бэрхшээлтэй/-г эрэн хайхад таяг нь олдсон газраас зүүн зүгт 1.5 км зайд “Хэрлэн” голын уснаас цогцсыг олж гарган аймгийн Цагдаагийн байгууллагад шилжүүлэн өгсөн байна.
