ЭМЯ-аас коронавируст халдварын нөхцөл байдлын талаархи хурлын үеэр ХӨСҮТ-ийн дарга Л.Баттөр мутаци вирусийн талаар мэдээлэл өглөө.
Эерэг илэрч буй нийт тохиолдлын 10-20 хувьд нь ПСР-т суурилсан мутаци илрүүлэх шинжилгээг хийж байгаа. Долоо хоногийн нийт 369 сорьцноос 39-д нь дельта хэлбэрийн мутаци илэрсэн байна.
ХӨСҮТ-ийн дарга Л.Баттөр "Батлагдаж буй тохиолдлын 10 орчим хувьд нь дельта хувилбар эзэлж байгаа юм байна дүйцүүлж ойлгоход болно. Харин Япон улсад долдугаар сарын 16-нд явуулсан 260 орчим сорьц явуулснаас эхний 38 сорьцын хариу ирсэн учраас өнөөдөр танилцуулж байна. Эдгээр 38 сорьц дунд альфа мутаци-32, Монголд үүссэн мутаци- 4, дельта мутаци- 2 илэрсэн" гэлээ.
