Улаанбаатар хотын ногоон бүсийн ойд аньс, гүзээлзгэнэ, нэрс, үхрийн нүд, хад зэрэг жимс, жимсгэнэ, эгэл далбига, шар-ногоон ур мөөг, шинэсний тосондой, хэврэг чидмэг, ягаан сархиаг, юүлүүр ташуумаг зэрэг хүнс, эмийн ач холбогдолтой 6 зүйлийн мөөг тархан ургадаг.
Хушин ойн гол баялгийн нэг болох хушны самар нь аминдэм, эрдэс бодисоор баялаг бөгөөд хүнс болон эмчилгээний зориулалтаар хэрэглэхээс гадна 70 орчим зүйлийн хөхтөн, 200 орчим зүйл шувуудын идэш тэжээлийн нөөцийг бүрдүүлдэг.
Сүүлийн жилүүдэд уур амьсгалын өөрчлөлт болон хүний буруутай үйл ажиллагаанаас үүдэлтэй ойн зарим төрлийн дагалт баялгийн тоо, нөөц, тархац хумигдан жилээс жилд багасч байна.
Эх сурвалж: БОАЖЯ
С.Сувдансондор
