Засгийн газрын ээлжит бус хуралдаанаас гаргасан шийдвэрийн талаар ХЗДХ-ийн сайд Х.Нямбаатар мэдээлэл өгөв. Тэрбээр "Наймдугаар сард багтаж, Монгол Улсын Засгийн газраас "Шүгэл үлээгч"-ийн тухай хуулийн төслийг боловсруулж, УИХ-д өргөн мэдүүлнэ. Мөн улстөрийн намуудын тухай хуулийг батлан гаргах болно. Өөрөөр хэлбэл, Шинэ Үндсэн хуульд орсон нэмэлт өөрчлөлтийн хүрээнд 2028 оноос эхэлж, улстөрийн намуудын бүтэц нь нийт сонгогчдын нэгээс доошгүй хувийн гишүүнчлэлтэй байна гэж заасан. Тэгэхээр улстөрийн намуудын хуульд өөрчлөлт оруулах, намуудын санхүүжилтийг тодорхой болгох болно" гэлээ.